– Пред нас е историки настан за кој не верувам дека ако ја испуштиме оваа шанса ќе имаме втора шанса таква или дека ќе ни се повтори оваков контекст, меѓународен, па ако сакате и политички, во земјата, да може за Република Македонија да се говори за нејзиниот исчекор меѓу цивилизираниот свет, членки на НАТО, во ЕУ, обезбедени граници, безбедност, стабилност итн. Ве лажат ако ви кажуваат дека не треба ова да се доживува да се биде или не. Да, за Макеоднија овој момент е да се биде или не. Ако се земе предвид историската шанса да ја заокружиме државноста, ако се земе предвид фактот дека добиваме шанса да станеме членка на најмоќниот сојуз, дека добиваме шанса да станеме членка на ЕУ, дека го имаме целиот свет позади нас, во овој историски момент, тоа значи дека има многу поголелеми вредности кои што се сштитат, отколку да речеме името на нашата држава. Ние сме биле федерална единка, Федерална Македонија, Народна Република Македонија, Република Македонија и така натаму, и менувањето со географска одредница со ништо не го доведува во прашање нашиот идентитет, рече Тито Петковски, претседател на НСДП.
Според Петковски, сите македонски влади досега преговарале за решение за името, но ниедна немала решение и храброст да оди до крај со конечен предлог, а постигнатиот договор со Грција треба да се прифати како најповолно решение.
– Ние мораме сега да станеме хомогено, мораме да веруваме дека еднаш во историјата Македонците ќе се обединат околу клучните нејзини државни и национални интереси. Постои ли политичка партија која во својата програма, од тие покрупните говорам, која не предвиде дека кога станува збор за решавањето на спорот со Грција, дека ќе се оди на референдум? Не постои, ВМРО го измисли, СДСМ го прифати, додаде Петковски.
На крајот од обраќањето пред присутните членови на партијата од регионот, претседателот на НСДП рече дека очекува оти мнозинството граѓани ќе дадат позитивен одговор на референдумското прашање, со што засекогаш ќе се затворат прашањата за опстојувањето на македонската држава.
Регионалнатса средба во Кочани потоа продолжи со разгледување актуелни партиски прашања, при што на состанокот присуствуваа и потпретседателот на Собранието на Република Македонија, Горан Мисовски и директорот на Агенцијата за стопанисување со станбен и деловен простор, Христијан Трајковски.
T. Ајтовски
{fshare}
{backbutton}
©2023 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
