Со свечена програма во која учествува учениците од сите одделенија, вечерва ОУ „Синиша Стоилов“ од Зрновци го одбележа патрониот празник.
Членови на семејството, претставници од македонската армија, од Локалната самоуправа и други гости положија свежо цвеќе на спомен обележјето на мостот што го носи името на капетанот Стоилов, со што оддадоа почит на неговиот херојски чин.
Во салата на Домот на културата во Зрновци се одржа празнична програма со музички точки, танци, сценски настапи и кратки драматизации од македонското фолклорно богатство, учениците заедно со своите ментори добија аплаузи за подготвената програма.
-Горди сме што нашето училиште го носи името на армискиот капетан Стоилов, чие потекло е од оваа општина. Посебно задоволство на овогодишното одбележување на патрониот празник е што деветтоодделенците, со својот настап се збогуваа од нашето основно училиште и своето образование ќе го продолажт понатаму, истакна директорката на ОУ „Синиша Стоилов“, Слаџана Гаврилова.
Во рамки на свечената програма беа доделени награди, во одделенска и предметна настава, во рамки на распишаниот литературен конкурс на тема „Горд сум на…“, а на кој со свои творби учествуваа сите ученици од прво до деветто одделение. Исто така, признанија, дипломи и пофалници им беа доделени и на учениците кои во текот на оваа учебна година учествуваа на општинските и други натпревари по различни училишни предмети.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
