Во Видовиште денеска се одржа првата Иселеничка средба, на која присуствуаа голем број иселеници, но и гости од други градови од државава. Иницијативата за реализирање на средбата е на Сашко Златков и други жители од селото кои живеат и работат во странство, а настанот се одржа во месноста „Магила“ во Видовиште.
Поддршка во организацијата на средбата даде и Општина Зрновци.
-Се надеваме дека од година во година овој културен настан ќе прерасне во регионален и пошироко. Ние како Локална самоуправа се обврзуваме да го прераснеме во традиционален настан кој би се одржувал на почетокот на месец август, секоја наредна година. Со тоа се проширува Програмата за културни манифестации во Зрновци, истакна Борчо Коцев, градоначалник на Општина Зрновци.
-До идејата дојдовме бидејќи еднаш до двапати во годината си доаѓаме во родниот крај и овој настан е можност ние иселениците да се сретнеме и да се видиме. Вакви настани се организираат и на други места и ние се одлучиве да го спроведеме во Видовиште за прв пат, а се надевам дека манифестацијата ќе прерасне и во традиција, кажа Сашко Златков, иселеник.
Присутните ги забававуваше естарадниот уметник Јордан Митев кој истакна дека му претставува чест да гостува овде, бидејќи покрај настапите во странство, со иселениците се сретна и во родната земја.
-За мене ова значи уште една средба со иселениците, иако ги среќавам и во западните земји. Со ваквите манифестации помалите села заживуваат и сметам дека ова треба да прерасне во традиција, бидејќи Македонија стана земја со многу иселеници, а ваквите моменти се едни од ретките каде што може да се сретнат и видат, рече Јордан Мите, естраден уметник.
Иселеничка средба денеска се одржа и во селото Драгобраште. Организатори на настанот беше здружението „Камен мост“ на Македонците во Италија, а таму присутните ги забавуваа Ирена Спасовска и групата Хармонија. Програмата беше збогатаена и со настап на КУД „Китка“ од Истибања.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
