-Првичното решение е да се создадат нормални услови за одвивање на сообраќајот преку алтернативен пат, село Бигла-Виница кој е во должина од 14 км, од кои 8,5 км од виничка страна и 5, 5 км од делчевска страна. Реконструкцијата на патниот правец с.Бигла-Виница е влезена во Програмата на ЈП за државни патишта, а средствата издвоени за него се во висина од 52 милиони денари, изведувач на работите е ЈП Македонија пат, истакна Ивица Димитров, градоначалник на Општина Виница.
Градоначалникот на Делчево Трајковски потенцираше дека досега на оваа делница веќе е направена реконструкција на околу 2 км од делчевската страна и 2 км на виничка територија.
-Градежните работи на патот треба да завршат за 4 месеци. Сведоци бевме дека жителите на село Бигла подолго време изразуваа незадоволство од состојбата на патот, бидејќи целиот сообраќај, посебно, кога поради одрони на магистралниот пат М. Каменица-Кочани, се пренасочува преку овој алтренативен пат што создава голема фреквенција на возила, ризици и небезбедно одвивање на сообраќајот. Затоа, приоритет ни беше итната реконструкција и проширување на делницата село Бигла-Виница, рече Горан Трајковски, градоначалник на Општина Делчево.
Жителите на село Бигла и оние луѓе кои често поминуваат на овој пат велат дека потегот за реконструкцијата е за поздравување.
Инаку, во најскоро време ќе започне и реконструкцијата на патот А3 во должина од 5 км., кој опфаќа реконструкција на булевар „Македонија“ до селото Ѕвегор. Оваа реконструкција е влезена во програмата на ЈП Државни патишта. Исто така, ќе се реконструираат и 15 км од патниот правец Делчево – Пехчево.
Т. Велкова
{fshare}
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
