Советот на Општина Кочани на седницвата в петок, меѓу другото ќе одлучува и по предлогот за измена на Планот за јавни набавки, во кој, покрај повеќето ставки влегува и планираната набавка за изградба на паркинг на „Кеј на Револуција“.
На потегот на „оваа улица, непосредно по мостот кај Шопинг-центарот дo Центарот за култура „Бели мугри“, Локалната самоуправа преку Одделението за уредување на градежно земјиште планира преуредување на простор со површина од околу 300 м2.
Според градоначалникот Илијев, тоа се прави поради измената на режимот на сообраќај на улиците „Кеј на Револуцијата“ и „Тодосија Паунов“ и воведувањето двонасочен сообраќај, заради што се јавила пзголемана потреба за паркирање на оваа сообраќајница.
Според предмерот ќе се врши ископ на асфалтно-бетонските површини, рабниците и земјата, по штоп ќе се направи тампонирање и ќе се постави нов асфалт со рабници. Илијев нагласува дека ќе нема уништување на зелените површини, односно дрвјата што веќе се засадени ќе останат на своите места.
Со цел да ги објасни и директно да им ја предочи актуелната состојба на оваа сообраќајница и планираните активности, Илијев, заедно со претставници на Советот излезе на терен.
Поради близината на шеталиштето покрај кејот на Кочанска Река и тротоарот од другата страна на „Кеј на Револуцијата“, оваа тротоарска површина со години наназад е малку искористена. Со овој проект се предвидуваат нови 22 паркинг места, од кое едно е за инвалидни лица. Ако Советот одлучи позитивно, за овој инфаструктурен зафат ќе бидат наменети 900 илјади денари.
T. Aјтовски
©2023 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
