Ова се одвива со поддршка на Фудбалската федерација, по теркот на Гресфут, оваа година ќе дадеме можност и на други екипи кои имаат интерес да се натпреваруваат во Детската лига, а се надеваме дека од наредната година и во женскиот фудбал исто така ќе имамe, рече Ангелчо Гошев, координатор на Детската фудбалска лига – источен регион.
Организаторот на турнирите за најдобрите екипи од сите генерации обезбеди победнички пехари и благодарници за учество. Освен тоа прогласени се и најдобрите играчи, голмани и стрелци за секоја генерација, а признанија беа обезбедени и за најдобрите тренери на екипите.
Во генерацијата 2005 за најдобар тренер беше прогласен Љупчо Симоски од “Фудбал старс“, за најдобар играч Никола Механџиски од Русиново, најдобар стрелец Веско Крстев од “Фудбал старс“, а признанието за најдобар голман го доби Лазе Гичев, исто така од “Фудбал старс“.
Кај генерацијата 2006 за најдобар тренер е избран Мартин Ампов, за најдобар играч Мартин Лазаров, а за најдобар голман Михаил Стаменков, сите тројца од виничка “Слога“. Признанието за најдобар стрелец му беше доделено на Марио Симоски од “Фудбал старс“.
Стојче Милошевски од екипата на “Каменица Саса“ доби признание за најдобар тренер, додека Андреј Атанасовски од истата екипа стана најдобар голман кај генерацијата 2007. Во истата конкуренција за најдобар играч и најдобар голман беа прогласени Петар Постоловски и Ненад Малинов од “Фудбал старс“.
И кај генерацијата 2008 Мартин Ампов од виничка “Слога“ доби признание за најдобар тренер, додека неговите фудбалери Андреј Андреев, Леон Горански и Леон Цивкаровски беа прогласени за најдобар играч, стрелец и голман.
Слично беше и за фудбалерите од генерацијата 2009, каде најдобар тренер е Виктор Петров од “Слога“, а Благој Николов и Даријан Горгиев од истиот клуб добија признанија за најдобар играч и најдобар голман. Во оваа конкуренција најдобар голман беше Лука Ивановски од “Каменица Саса“.
Кај најмладите од генерацијата 2010 Виктор Петров од “Слога“ по втор пат доби признание за најдобар тренер, а Јован Иванов од истата екипа стана најдобар играч. Наградата за најдобар стрелец ја поделија Михаил Павлов од “Слога 1934“ и Кристиан Атанасов од “Каменица Саса“, а за најдобар голман беше награден Лука Стојановски од “Каменица Саса“.
Двете екипи од Виница и од Кочани екипи со победничките тимови по генерации ќе го претставуваат регионот на завршниот турнир во Детската лига на државно ниво што ќе се одржи викендов во Скопје.
Т. Ајтовски
{fshare}
https://www.youtube.com/watch?v=9eri_oc9YGc
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
