Има огромна поддршка од централната власт и од кабинетот што го раководам, така што нашата соработка и понатаму ќе продолжи. Јас ги охрабрувам, не само вашиот градоначалник, туку и другите градоначалници да поднесуваат што повеќе проекти што се од инфраструктурен и комунален карактер што се во ромските населби,а со цел да го подобруваме квалитетот на живеење на ромската заедница, рече Аксел Ахмедовски, министер за имплементација на стратегијата за Ромите.
Министерот Ахмедовски рече дека забрзано тече и постапката за решавање на проблемот со жителите на старата касарна во Кочани.
– За тоа ние повеќапти имаме разговарано, мислам дека веќе е во тек изработката на документацијата за старата касарна, веќе е најдена и локација за изведување на овој инфраструктурен проект кој што ќе биде од големо значење за луѓето кои живеат во овој дел од вашата општина. Сметам дека со ребалансот за наредната, 2019 година веќе се испланирани средства за овој проект, така што сметам дека наредната година овој проект ќе започне со реализирање, додаде Ахмедовски.
Градоначалникот на Кочани, Николчо Илијев оцени дека соработката со кабинетот на министерот Ахмедовски, годинава резултирала со поддршка од 6,3 милиони денари за асфалтирање на неколку улици во ромското маало, на кои претходно со општински буџетски средства била поставена нова водоводна мрежа. Исто така, тој спомена дека и проектот за старата касарна е во поодмината фаза на решавање.
– Благодарение на поддршката од министерот, и секако од централната власт, ние неколку улици во Ромското маало веќе ги решивме и во моментот во тек се активности на улицата “Славчо Стојменски“ на крак исток, каде што она што е планирано очекуваме во наредните десетина до петнаесет дена да биде завршено. Значи ја завршуваме реконструкцијата, односно асфалтирањето и потпорните ѕидови на “Славчо Стојменски“ и продолжуваме на другите улици, како што е “Блаже Поп Арсов“, следна активност, по завршувањето на “Славчо Стојменски“ се префрлуваме на улицата “Блаже Поп Арсов“. Целокупната планска докуменатција, што беше обврска на Локалната самоуправа веќе е завршена, значи ги имаме сите потребни документи извадено и дека во моментот работиме на проектирање на згтрадите. Значи, ние сме неколку фази подалеку отколку пред неколку месеци, не сакам да кажам дека можеме, ако се договориме, оти проектот ќе биде за кратко време готов и дека за кратко време можеме да стартуваме со изградбата на овие куќи, односно зградички што се предвидени за сместување на лицата кои во моментот се сместени во Старата касарна и се во очајна состојба, рече Николчо Илијев, градоначачлник на Општина Кочани.
При посетата на Кочани, министерот Ахмедовски најави дека освен асфалтирањето на улиците во Ромското маало, ќе продолжи поддршката од државата за решавање и на другите комунални и инфраструктурни проблеми за ромската етничка зедница кај нас.
Т. Ајтовски
{fshare}
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
