На свеченоста беа прогласени учениците на генерацијата 2014 – 2018 по струки. Од електротехничкта струка за ученик на генерацијата беше прогласен Никола Стојчевски, од машинската струка Благој Ѓорѓиев, а од сообраќајната струка ученичката Бојана Китанова. Беше прогласен и првенецот на генерацијата, а таа чест му припадна на ученикот Никола Стојчевски на кој му беше врачена диплома и парична награда која што традиционално секоја година ја доделува фондацијата Викентиеви. Дипломи добија и останатите ученици кои што имаат постигнато големи успеси во воннаставните активности.
Како дел од свечената активност следуваше кратка драма под наслов „Љубовна сиромаштија“ во изведба на членовите на МО „Авангарда“, музички точки како и краток скеч под наслов „Голем успех“ подготвен од ученици од прва година, поттикнати од успехот на натпреварот по Роботика каде што група ученици под менторство на професорите Гордан Анастасов и Роза Војновска покажаа одлични резултати со освоени први места во Србија и Словенија, па сега им претстои патување во САД.
На свеченоста се претставија и учениците кои што ќе учествуваат на МАССУМ каде што го претставија она што го освоиле до сега како и она со што ќе се претстават на државниот натпревар.
Т. Велкова
{fshare}
https://www.youtube.com/watch?v=DD-51Y3jwgM
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
