– Училиштата треба да направат организација како тие ученици ќе ги сместат. Во основните училишта веројатно тој проблем е помал бидејќи се работи за првоодделенци и паралелките во училиштата каде што нема доволен број ќе мора да се намалат, а ќе се соочиме со проблем што со наставниот кадар, проблем кој загрижува и тука навистина ќе мора да поработиме. Останува да се надеваме дека во вториот уписен рок, таму каде што има шанси да се подобри овој резултат со цел да ги одржиме паралелките што во моментот ги имаме на број, рече Николчо Илијев, градоначалник на Општина Кочани.
На состанокот со директорите на училиштата, градоначалникот Илијев побара став околу состојбата со училишните згради, посебно со санитарните јазли, за што е заклучено дека е потребна дополнителна помош од Министерството за образование. Притоа, во секое училиште ќе треба да се изработи проект за реновирање на она што е најкритично.
Исто така се разговараше и за проблемот со долговите за бесплатниот превоз на учениците.
– Се договоривме сите заедно да плаќаме услуга што ја добиваме, а не што не ја добиваме. Констатиравме дека плаќаме превоз на ученици кои воопшто не се возат, затоа бараме решение како овој проблем да го надминеме, во иднина да плаќаме само она што го добиваме, додале Илијев.
На состанокот во Општината се разговараше и за слабиот одзив за запишување во средното, но и во основното образование.
– Проблемот го гледаме во нискиот наталитет, како и бројот на иселеници што е актуелен во моментот, а третата причина е запишување на учениците во медицинското училиште, рече Игор Христов, директор на СОУ „Љупчо Сантов“.
– Во нашето училиште, „Никола Карев“ се запишани 41 ученик, опфаќајќи ги и подрачните училишта во Грдовци и Тркање и како што кажа колегата, една од причините за малиот број запишани ученици е малиот наталитет, иселувањето на младите во странство и едно болно прашање е реонизацијата. Значи, се разговараше за да се надминат тие проблеми и се надеваме дека ќе бидат надминати, рече Билјана Петрова, директор на ОУ „Никола Карев“.
Со оглед што проблемите во образованието се жешка тема, се очекува во нарендниот период да продолжат редовните средби на раководителите на образовните институции со градоначалникот и одговорните за образованието во Локаланата самоуправа.
T. Ајтовски
{fshare}
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
