– Благодарност до сите наши поддржувачи кои ни овозможија в понеделник да отпатуваме на светското првенство што ќе се одржи во Детроит, особено голема благодарност до Фондот за иновации на Република Македонија кој ни ги обезбеди билетите до таму, потоа благодарност до Општината и до целиот бизнис сектор кој што ни помогна за да ги собереме средствата, уште мал дел остана и ние заедно со родителите ќе ги покриеме. Исто така, сакам да се заблагодарам и до дијаспората која ни го плати престојот таму и ни обезбеди превоз во Америка низ Детроит, рече Гордан Анастасов, ментор на тимот по роботика.
Нашите ученици немаат дополнителни информации што ги очекува на меѓународнито натпревар по роботика во Америка, но ветуват дека ќе дадат се од себе за да постигнат нов успех.
– Ние се надеваме дека како што досега го претставувавме достојно нашиот град и нашата република, оти истото ќе го направиме и во Детроит на светското првенство и се надеваме дека ќе се вратиме со награда и од таму, додава Анастасов.
За да се квалификуваат за учество на натпреварот по роботика во САД нашите ученици претходно ги освоија првите места на регионалните натпревари во Србија и Словенија. Во очекување на одлични резултати и на пошироко меѓународно ниво им посакуваме добар пат и многу среќа во Америка.
T. Ајтовски
{fshare}
https://www.youtube.com/watch?v=fNOd3w7gjpY
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
