Локалната самоуправа на Чешиново-Облешево одбележа 20 години од формирањето на Oпштинaта, како и празникот Мала Богородица.
По тој повод во паркот во Облешево беше организирана концертна прослава на која настапија фолклорниот ансамбл „Китка“ од Истибања, Роберт и Панки, а главна ѕвезда на вечерта беше гостинот од Црна Гора, Исак Шабановиќ.
На настанот присуствуваа голем број на гости од регинот, а градоначалникот Далибор Ангелов во поздравниот говор посочи дека Чешиново-Облешево се стреми да прерасне во модерна општина, отворена за нови можности, за унапредување на сите полиња.
-И покрај тешките времиња, Ковид пандемијата и лошата финансиска состојба на Општината, вложивме повеќе енергија да работиме уште посложени задачи, да бидеме поефикасни, да продолжиме да ја развиваме општината како земјоделски, но и како културен центар, да го сочуваме тоа што го имаме поради нашите предци, но и да ја унапредиме општината поради новите генерации, на гордост на сите нас. Нека овој ден биде поттик да работиме заедно, за напредок и просперитет бидејќи општина Чешиново-Облешево не смее да застане на патот на напредокот кон подобра и постабилна иднина. На крај дозволете ми да се заблагодарам на сите вас кои на кој било начин придонесовте и придонесувате за развојот на нашата општина на сите полиња како спортски и културни, така и економски. Благодарност до сите општествено одговорни компании кои помогнаа овој вечерашен настан да добие посебно светло. Без нив секако сами не можевме да го постигнеме сето ова. Најголема благодарност секако упатувам на сите наши сограѓани, ви благодарам за поддршката која секојдневно ја добивам и јас и сите мои соработници. Без вас сето ова би било бессмислено. Ви благодарам во вербата за подобро утре, на сите ваши критики, но и на јасните и конструктивни предлози, кои ги разработуваме и спроведуваме во дела и ви ветувам дека ќе се трудиме да бидеме уште подобри, истакна Ангелов.
Во рамки на прославата, им беа доделени благодарници на компаниите кои помогнаа во финансиската реализација на настанот. Исто така, беше посочено дека и во годините што следат ќе се организираат слични манифестации на кои ќе се собираат голем број граѓани од општината, но и пошироко.
На свечоста по повод 20. роденден присустуваа и градоначалниците на Општина Болдешти Скаени од Романија, Константин Бокуроу и на Општина Бобов Дол од Бугарија, Елза Величкова. Со овие две локални самоуправи Општина Чешиново-Облешево има потпишано меморандуми за соработка.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
