Учениците од основните училишта од сите одделенија на 1 септември ќе ги добијат учебниците, освен шестоодделенците кои за тоа ќе почекаат неколку дена.
Од Министерството за образование и наука велат дека сите учебници кои досега се одобрени за користење од страна на Националната комисија за учебници се испечатени, а испораката до училиштата е интезивирана.
Единствено шестоодделенците ќе треба да почекаат за нивните учебници да ги поминат сите фази во процесот на одобрување.
Помошните материјали за учениците и прирачници за наставниците ќе бидат објавени во електронски формат на веб-страницата на Бирото за развој на образованието.
Изминатиот период од Министерството за образование и наука неколку пати информираа дека учениците од прво, второ, четврто и петто одделение, за кои наставните програми беа креирани минатите две години, ќе ја почнат учебната година со нови учебници по сите предмети.
Исклучок ќе биде учебникот по Историја и Општество за петто одделение кој беше повлечен од употреба поради потребата од технички исправки и корекции на одредени содржини со неточни податоци. По овој предмет ќе има помошен материјал, додека не се изработи и достави учебникот.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
