Потоа во дебатата се вклучија присутните граѓани, претставници од урбаните и месните заедници, како и од невладини здруженија. Се разговараше за актуелни прашања и потреби од јавен интерес што имаат пошироко локално значење. Освен за изградба и асфалтирање на неколку улици, на расправата се слушнаа и мислења за проблемите со јавниот паркинг, за локација на катна гаража во централното градско подрачје, за нови парковски решенија, како и за дислокација на Градскиот пазар.
Градоначалникот Илијев, кој одговараше на прашањата на граѓаните, претстави и идеја за изградба и уредување на нов плоштад, што според размислувањата би можел да се лоцира на местото на сегашниот парк кај Центарот за култура „Бели мугри“.
– Целиот тој потег, почнувајќи oд ресторанот „Пролет“ и завршувајќи до мостот кај Шопингот, целиот тој простор да биде уреден на модерен начин, плоштад кој му е повеќе од потребен на Кочани. Со реконструкцијата на оваа зграда, таа целата ќе светне и ќе има убавина, ќе може да се види и да се ужива во нејзината убавина. Вака ако го оставиме, едно дрвце, овде малку цвеќе, овде зеленило, ќе направиме се и ништо. Затоа мислам дека овој предлог заслужува внимание, да се размислува и да се разговара за него. Не барам бланко поддршка, туку барам секој од граѓаните кога ќе поминува да размисли за оваа идеја, дека навистина можеме да добиеме едно решение за плоштад кое ќе ги задоволи сите потреби на граѓаните. Значи, таму ќе има и движење и шетање, со фонтани, освежување и така натаму. Едноставно, според принципот и теркот на поголемите урбани градови да добиеме една убава целина и убава средина, рече Николчо Илијев, градоначалник на Општина Кочани.
Со предлогот за уредување на плоштад на оваа локација би се задржале и вклопиле постојните спомен обележежја, а решавањето на потребата за парк би се префрлила на ридот Локубија, што заедно со обновувањето на Споменикот на слободата би обезбедило голем парковски комплекс.
Идејата за нов плоштад кај ЦК „Бели мугри“ доби поддршка од присутните граѓани на јавната трибина, а беше најавено дека за целата идеја неопходно ќе биде да се организира посебна расправа со што поголема вклученост на јавноста.
Т. Ајтовски
{fshare}
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
