Јорданчо Ефтимов, ученик во четврта година во СОУ „Гошо Викентиев“ учествуваше на светскиот натпревар за Microsoft Office specialist, што се одржа во Орландо, Флорида. Во конкуренција од 500 учесници, од повеќе од 100 земји во светот, Ефтимов забележа солидни резултати и како единствен претставник од Македонија во неговата конкуренција, ја претстави државата во најдобро светло.
Тој се натпреваруваше во изработка на задачи во програмата Microsoft Word. Натпреварот беше во организација на компанијата Септипорт од САД, а поддржан од корпорацијата Microsoft.
Претходно Ефтимов победи на националниот натпревар за Microsoft Office specialist што се оддржа во Скопје. Во конкуренција од 40 учесници од други училишта од Македонија, тој покажа најдобри вештини и познавање во апликацијата Ворд и со тоа се стекна со правото да учевствува на меѓународниот натпревар во САД.
– Таму бевме 500 ученици кои се натпреварувавме во 6 различни програми. Тоа беа Word, Excel и Power Point 2013 и 2016. Јас се натпреварував во Word 2013 категорија. Сакам да се заблагодарам на професоркатса Павлина Атанасова која беше мој ментор и на Стопанска Банка што беше официјален спонзор на овој натпревар – изјви Јорданчо Ефтимов.
На светскиот натпревар Ефтимов се здоби со Сертификат за учество од страна на Мајкрософт и подароци како награда за вложениот труд и постигнатите резултати.
Натпреварот во Македонија беше во организација на “Серти Адриа“ во соработка со “Семос едукација“ и финансиска поддршка на “Стопанска банка“.
Трошоците за патувањето на младот Ефтимов беа покриени со донации од Владата на Република Македонија и Општина Кочани , како и од локални стопанственици меѓу кои конфекциите “Амор“ и “Алма“, “Руен Инокс Автомобили“, “Офис експрес“, “Мебел Јумис“ и “Фото Луна“.
И. Матеничарски
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
