Карате клубот „Кочани“ забележа извонреден резултат на меѓународниот карате турнир „Фунакоши Гичин Опен 2026“, на кој неговите членови се закитија со вкупно 18 медали.
Натпреварот, кој беше организиран од страна на клубот „Фунакоши Гичин“ од Скопје и Карате Федерацијата на Македонија, привлече голем интерес, собирајќи повеќе од 600 учесници и гости од шест земји.
Кочанските каратисти покажаа врвна подготвеност, освојувајќи пет златни медали во повеќе категории. Највисокото признание го добија Иван Сантов (категорија 2018 и помлади), Алексеј Ристов (ученици -34кг), Илина Костадинова (ученици -45кг), Томислав Ристов (кадети -57кг) и Лука Златков (кадети -63кг).
Клубот ја збогати својата колекција и со 7 сребрени медали. Сребро освоија Дамјан Симеонов, Катерина Стојановска, Илина Костадинова, Томислав Ристов и Лука Златков, додека Давид Митев успеа да освои две сребрени одличја во различни тежински категории кај помладите кадети.
Успехот беше заокружен со 6 бронзени медали. Меѓу добитниците на бронза се Димитар Грујоски и Петар Стаменков во дисциплината кати, како и Давид Давитковски, Калин Сандев и Ана Костадинова, која се истакна со два освоени бронзени медали во категоријата ученици.
Покрај освојувачите на медали, изворите наведуваат дека одлични борби и висок квалитет на татамито покажаа и Ана Петровска, Вера Веселинова, Душанка Ристова и Лана Ристова.
Овој масовен меѓународен турнир уште еднаш го потврди квалитетот на каратето во регионот и успехот на напорната работа во карате клубот „Кочани“
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
