На почетокот на предизборната кампања Коалицијата на СДСМ за Локалните избори 2025 одржа прес конференција на која беа претставени главните теми со кои се бара довербата од гласачите.
Кандидатот за градоначалник Игор Христов нагласи дека иако оваа политичка кампања се спроведува во специфичен период за градот и општината, сепак важно е што на граѓаните им се нудат решенија кои ќе ги подобрат условите за живот.
-Кочани – чист и зелен град, Кочани – културен град, Кочани – безбеден град, Кочани – спортски и Кочани – туристички град. Тоа ќе бидат пет принципи за коишто ние ќе се залагаме во периодот којшто ни претстои. Ние како Социјалдемократски сојуз ќе имаме позитивна кампања, каде ќе се судрат аргументите и фактите, а на нашите граѓани да ги понудиме најбитно решение. Денеска се наоѓаме во Паркот на Револуцијата, па сметам дека тој треба да биде симбол којшто ќе нѐ обедини и ќе донесе позитивни поромени во нашиот град. Одиме со петка, број 5, знаеме дека тоа е посакуваната бројка, посакуваната оцена на учениците, на граѓаните, сите сакаме да бидеме одлични и ги повикуваме граѓаните доколку им се допадне нашата кампања, доколку им се допаднат нашите ставови да го поддржат бројот 5. Во еден град да изгубиме 62 животи, да имаме над 200 повредени и одиме на скапи кампањи – не. Меѓутоа ќе ги посетиме граѓаните, ќе ги црпиме нивните идеи, нивните замисли за промена на Кочани ќе бидеме очите, ушите кои што ќе ги слушаат нивните интереси, за да ги вклучиме колку што е можно повеќе во целата таа ситуација, ќе одиме ќе одиме кај фокус групи, кај спортисти, кај културни работници и сметам дека на тој начин ќе ја водиме самата кампања, истакна Христов.
На прес конференцијата се обрати и носителката на кандидатската листа за советници, Александра Коцева, која истакна дека во периодот по големата трагедија неопходно е да се работи сложно, со подадена рака за да се придонeсе Кочани да стане ново, урбано и модерно место за живеење.
-И јас како носител на советничката листа на Социјалдемократскиот сојуз и коалицијата предводена од разни еминентни стручњаци од различни сфери во општеството, со своите идеи и визии ќе придонесеме за решавање на секој проблем на секој поединец во општина Кочани. Бројот 5 е број за успех, за најдоброто и токму ние на овие избори го имаме епитетот да ја носиме оваа бројка. Како носител на советничката листа на Социјалдемократскиот сојуз и коалицијата цврсто ќе се бориме и ќе ги промовираме сите пет принципи за коишто се залага и нашиот кандидат за градоначалник Игор Христов. Деновиве ќе ја промовираме и нашата идеја, нашата визија за ново, модерно и урбано Кочани. Сите ние треба да се бориме за нашиот дом, за нашето Кочани да биде чисто, зелено, урбано и прекрасно место за живеење, Кочани коешто во локалните вести и на централното ниво ќе го споменуваат само по убави моменти. Ќе бидеме транспарентни, во секојдневна комуникација со граѓаните на општина Кочани за сите заедно да решаваме и да изнаоѓаме решение за нивните проблеми. Исто така, ви ветувам дека ќе ги промениме досегашните начини на размислување во Советот и ќе донесеме нови, посвежи размислувања и делувања, истакна Коцева.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
