На последната седница на Советот имаше прашање до градоначалникот што се случува со целата инвестиција, со што повторно се актуелизираше прашањето за оправданоста од некои јавни набавки.
– Дали во Општина Кочани се користи набавениот електричен скутер, и ако не се користи, која е причината за тоа, рече Ѓорѓи Алексов, член на Советот на Општина Кочани.
Првиот човек на Општината рече дека службите во Локалната самоуправа се соочуваат со административни процедури што го закочиле возењето на електричниот скутер.
– Пред неколку дена се завршија процедурите околу царинењето, бидејќи тој е дојден можеби повеќе од месец дена, меѓутоа заради процедурите околу хомологацијата, за која што немавме документација, тоа е возило што не се увезува толку често во Македонија, значи немаше пропратна документација и ни требаше повеќе време за да се обезбеди хомологација. Со тоа сега се направени сите чекори да дојде до царинење и возилото да се стави во функција, но ако ме прашате за што ќе го користиме, немам одговор, затоа што не знам, рече Николчо Илијев, градоначалник на Општина Кочани.
Според Илијев, претходните јавни набавки што биле реализирани, но не биле платени, се уште го отежнуваат финансиското работење на Општината.
– Нашите дневни планови што ги правиме за финансирање од Буџетот ни се нарушуваат со вакви непредвидени набавки и притисоци што ги добиваме од страна ан добавувачите на оваа опрема, кои ни се закануваат псотојаноо, како што беше за компјутерите, за тревата на спортските игралишта, сега за скутерот. Значи, ние во последно време секојдневно се соочуваме да излегуваме од напите планови што се предвидени за плаќање на обврските, со цел да санираме дел од овбие обврски, да не дојде до тужба и блокирање на нашата сметка, додаде Илијев.
Нарачката на електричнот скутер и полначот за електромобили на Општина Кочани и остави обврска од буџетот да плати околу 9 илјади евра. За оправданоста од набавката претходниот состав на Советот воопшто не дискутираше.
Т. Ајтовски
{fshare}
https://www.youtube.com/watch?v=qyT90okUgc0
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
