Општина Зрновци наскоро ќе почне со практична реализација на проектот „Изградба и реконструкција на општински улици“ со кој треба да се изградат и реконструираат улици и мост во општинскиот центар.
Градоначалникот Борчо Коцев го потпиша договорот со избраниот изведувач „Ескаватори МК“ од Скопје, со што по воведувањето во работа од страна на надзорниот орган и официјално може да почне изведбата на планираните активности.
Договорот е во вредност од близу 7,5 милиони денари во бруто износ и со него е опфатена изградба и реконструкција на крак 3, 4, 5 и 6 на улицата „Илинденска“, реконструкција на крак 1 на улицата „Маршал Тито“, реконструкција на дел од улицата „Тодор Арсов“, изградба на улицата „1 Мај“ и дел од плоштад. Исто така, ќе се работи на изградба на улицата „Гоце Делчев“ и крак од истата од крстосницата над ОУ „Синиша Стоилов“ до катастарската парцела 5949/2, како и асфалтирање на мостот кај објектот Соколана.
Од Општина Зрновци истакнуваат дека реализацијата на овој проект е дел од програмата за подобрување на урбаната инфраструктура и на безбедноста на сообраќајот, како и за подигнување на квалитетот на живот на граѓаните.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
