Во Одделението на Управата за јавни приходи во Кочани се одржа прес-конференција во пресрет на манифестацијата „Денови на кочанскиот ориз“. Притоа беше упатен апел до правните и физичките лица, кои планираат да учествуваат со поставување штандови, да се пријават за извршување трговска и занаетчиска дејност.
Фискални каси и налепница „Задолжително побарај фискална сметка” треба да се истакнат на бараката, а неопходно е и физичките лица да пополнат барање за паушално плаќање на данок на личен доход од времен карактер.
-Правните лица кои би учествувале на оваа манифестација имаат обврска да користат одобрен фискален систем на опрема, односно да имаат фискални уреди и да изадваат фискални сметки. Значи, правните лица имаат обврска налепницата „Задолжително побарај фискална сметка” да ја стават на видно место со цел граѓанинот да знае дека и тој има обврска да си ја побара фискалната сметка. Оставарениот промет имаат обврска наредните денови да го уплатат. На овие манифестации освен правните, учествуваат и физичките лица кои се занимаваат со дејност од времен карактер, однсосно продавачите на пуканки, палачинки, кафе, сокови и слично, имаат обврска до Управата за јавни приходи да поднесат барање за паушално плаќање на данок на личен доход. Во барањето се пополнува име, презиме, матичен број и задолжително се чекира дека барањето е за времен карактер. Повратно, Упаравата за јавни приходи издава решение за времен карактер, а со тоа добива и налог за плаќање, истакна Маре Данкова, регионален портпарол на Управата за јавни приходи.
Доколку физичките лица не поденсат барање за паушално плаќање на данок на личен доход, Управата за јавни приходи ќе им изрече парична казна во вредност од 50 до 250 евра во денарска противвредност.
Правните лица ќе се соочат со глоба од 300 до 10 илјади евра ако не издаваат фискална сметка , во зависност од тоа како е регистриран субјектот.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
