Првото место, златниот пехар и паричната награда од 15.000 денари ја освои екипата на „Фабијан“ на турнирот во мал фудбал што се одржа во Зрновци, а по повод верскиот празник „Св. Димитриј“ – Денот на Општината.
Второпласирана на турнирот е екипата на „Ултра” која исто така доби пехар и парична награда од 10.000 денари, третото место го освои „Амфенол” и парична награда во висина од 5.000 денари. Признанија им беа доделени и на најдобриот играч, стрелец и голман на турнирот. Организaторот на настанот им додели благодарници за учество на сите десет пријавени екипи.
Турнирот се одржа по втор пат, организатор беше Локалната самоуправа на Зрновци, а сите натпревари се одиграа во спортската сала на училиштето „Синиша Стоилов“.
Со организирањето на овој спортски натпревар, Општина Зрновци дава финансиса поддршка за пет спортски настани на локално ниво.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
