Општина Кочани годинава има зголемување од 1,3 отсто на активната транспарентност во работењето во однос на лани и се наоѓа во првата група на многу добра транспратентос меѓу сите локални самоуправаи и институции во државата. Со тоа трета година по ред го задржува првото место меѓу општините од Источниот плански регион.
Резултатите се објавени во Индексот за активна транспарентност за 2023 година што го изработи Центарот за граѓански комуникации од Скопје, испитувајќи ја јавноста во работењето на општините и на државните институциии, односно на сите министерства во текот на оваа година.
Според јавно објавените податоци, Локална самоуправа на Кочани со измерена активна транспарентност од 97,1% го дели шестото место со општините Кичево, Берово и Делчево меѓу сите институции кои биле предмет на истражување, а го дели третото место кога се споредуваат сите општини во државата.
Меѓу 11-те општини од Источниот регион, веднаш зад Кочани, Берово и Делчево се Општина Штип со 90 и Општина Зрновци со 89,9 отсто. Потоа следуваат Пробиштип со 81,9, Чешиново-Облешево со 79,7 и Македонска Каменица со 75,7 отсто. Во долниот дел на табелата се Виница и Пехчево со 74,3 и Карбинци со 50,7 отсто.
Во анализата на Центарот за граѓански комуникации се истакнува дека по ланскиот пад од првото на второто место, Источниот плански регион повторно застана на челната позиција, на која се наоѓаше и претходните три години. Просечното исполнување на обврските од 83% е подобрено во однос на лани за 4 процентни поени.
Истражувањето е направено врз основа на претходно изработена методологија и структурирани прашалници за исполнувањето на обврските за активно објавување на информациите на интернет-страниците на општините. Во оваа смисла, земени се предвид, пред сè, обврските што произлегуваат од Законот за слободен пристап до информациите од јавен карактер и оние обврски од други закони што се однесуваат на трошењето јавни пари.
Според генералните резултати на Центарот за граѓански комуникации, а во кои се вклопува и Општина Кочани, институциите објавувале најмногу известувања од областа на пристапот до јавни информации, а најмалку за финансиското работење.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
