Четири лица се здобиле со потешки и полесни телесни повреди во сообраќајна несреќа што околу 1 часот по полноќ се случила на патниот правец од Кочани кон Пониква, во близина на месноста Аеродром.
-Денеска во 00:57 часот е пријавено дека на регионалниот пат Кочани- Пониква патничко моторно возило „бмв“ со штипски регистарски ознаки, управувано 19-годишниот Н.И. од село Карбинци, излетало надвор од коловозот. Во несреќата со тешки телесни повреди се здобил возачот, а со телесни повреди се здобиле сопатниците 21-годишниот И.М. од Карбинци, како и 18-годишната М.К. и 20-годишната А.Ј., двете од Штип. Повредените биле пренесени во Општата болница- Кочани, информираа од МВР.
Извршен бил увид од увидна екипа од Полициската станица Кочани, а поради сериозноста на повредите дел од лицата биле пренесени во болницата во Штип.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
