На 65. седница на Владата, што се одржа вчера, констатирана е оставката којашто градоначалникот Љупчо Папазов ја поднесе по трагичниот пожар во дискотеката „Пулс“.
Престанокот на мандатот е утврден според одредбите во Законот за локална самоуправа, а одлуката треба да биде објавена во „Службен весник“.
Во рок од 30 дена од денот на објавувањето на владината одлука, Советот на Општина Кочани треба да избере еден од своите членови што ќе ја врши должноста на градоначалникот во периодот до изборот на нов градоначалник. Изборот на в.д. градоначалник е според истата постапка со која се избира претседател на Советот – со мнозинство гласови од вкупниот број членови на Советот.
Според преодните и завршните одредби од Законот за изменување и дополнување на Законот за локална самоуправа од 2024 година, избраниот член останува да ја врши должноста градоначалник на Општината до изборот на градоначалник на првите редовни локални избори, коишто во овој случај треба да се одржат во октомври.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
