Претседателот на Општинската организација на СДСМ – Кочани, Гоце Серафимов одржа прес на кој истакна дека по две година, откако градоначалникот Љупчо Папазов и ВМРО-ДПМНЕ раководат со локалната власт во Кочани, на виделина ги нема ветените предизборни активности.
-Заклучокот е поразителен – ДПМНЕ ги изневери граѓаните. Нема проекти, нема резултати!Безброј нереализирани изборни ветувања дадени пред граѓаните, безброј нереализирани проекти во изборната програма на градоначалникот. Каде е катната гаража? Каде е новиот градски парк? За изградба на старечки дом и спортска сала да не зборуваме. Се вети и изградба на социјални објекти за лицата населени во објектот стара касарна за што пари во буџетот се обезбедени со години. За дел од овие проекти има и средства и проектна документација, а дел се наследени од претходното владеење на СДСМ на локално ниво.
Од централната власт на СДСМ само за локални патишта се исплатени 4,6 милиона денари. ДПМНЕ и Папазов го зголемија надоместокот за паркинг 100%, надоместокот за геотермалната енегија за 60%, веќе на пат е покачување на комуналиите! Не се реализирани проектите од програмата за оваа година ни со 30%, сега ја кратат, замачкуваат за да манипулираат со граѓаните дека нешто сработиле. Освен кратењето на буџетот од капитални инвестиции за да остане за вработувања на партиските активисти, нема ништо друго. КЈП „Водовод“ промени неколку директори, за од ликвидно јавно претпријатие да остане само 40 милионската сума во минус, се со цел да се згрижи нивното членство. Исплатија скоро 8 милиони денари веднаш по изборите со што граѓаните сами заклучија како се водеа истите.
Од водечка општина по проекти застанаа и тие што претходно беа започнати. Од водечка општина по проекти застанаа и тие што претходно беа започнати.Дали пак ке не задолжат со милиони во општината и јавното претприкатие, за повторно идни генерации да ги исплаќаат, праша Серафимов.
Серафимов додаде дека ова што го прават Папазов и ВМРО-ДПМНЕ е добро познат грабеж на граѓаните. Нагласи и дека во иднина не треба да се дозволи да се повтори оваа власт.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
