Матурантите од СОУ „Гошо Викентиев“ го прославија еден од најважните денови од својот живот кога стануваат полнолетни, момент кога го поминуваат прагот помеѓу тинејџерските години и сериозноста.
На прославата на матурската вечер, организирано со класните раководители, матурантите влегуваа во училишната зграда каде што го одржаа последниот класен час.
Пред заминување на забавата, матурантите продефилираа во дворот на училиштето со своите класни раководители и на платото во Паркот на Револуцијата каде голем број граѓани ги пречекаа, потоа се упатија на организираната прослава.
-Генерацијата 2020–2024 беа прекрасни ученици. Денеска ја прославуваат најважната вечер од средношколските денови. Беа одлични ученици сите 4 години. Ни најмал сомнеж немам дека оваа генерација матуранти ќе се надоградуваат во нивната идна професија и од нив ќе произлезат успешни граѓани на Кочани. Прекрасно поминавме во изминативе четири години и горда сум што сум класен раководител на вакви ученици, истакна Кристина Јанева, класна раководителка.
Матурантите во дилема каде ќе го продолжат школувањето сите по малку збунети на последниот класен час си ветија понатамошни заеднички дружења, а кажаа дека годините поминати во училишните клупи никогаш нема да ги заборават.
На прославата беа прогласени и најдобрите ученици по струки и од училиштето им беа дадени пригодни подароци и диплома. Училиштето им врачи благодарници и на своите соработници кои сите години активно ги поддржуваа учениците во нивното учење и пракса, како и професорите во нивната работа.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
