Во рамки на Меѓународниот фестивал ,,Јаков од Камена Река” во Македонска Каменица на кој библиотеката ,,Искра” од Кочани се јавува како соработник, денеска се одржа сатирична работилница за пишување афоризми и епиграми.
На работилницата што ја водеше сатиричарот Миле Ѓорѓијоски учествуваа ученици од основното образование, кои се членови на кочанската библиотека.
-Целта на оваа сатирична работилница за деца е децата да ги воведеме во тајните на пишување детски афоризми и епиграми, како и илустрација на истите. Со мене е и Софија Ситновска, илустратор со која веќе имаме направено неколку сликовници што се преведени на други јазици, имаме направено и книги со детски епиграми, книга со најпрвата книга со детски епиграми покрај што го користиме македонското кирилично писмон ја користиме и глаголицата. Постепено, збор по збор, преку асоцијации со децата работиме како се прават афоризми, а Софија како ментор за илустрации, ќе ги подучува децата како еден афоризам можат да го илустрираат, односно да се направат илустрирани афоризми и епиграми, истакна Ѓорѓијоски.
Се работи за проект на Здружението ,,Надеж – Норе“-Македонска Каменица, што е поддржан од Министерството за култура и туризам на Македонија.
Во проектот се вклучени ученици од петто до деветто одделение од седум градови во државата, односно покрај Кочани работилницата се реализира и во Делчево, Македонска Каменица Охрид, Кичево, Радовиш и Крива Паланка. Исто така, ќе бидат опфатени и населени места во Србија каде се изведува настава на македонски јазик. На крајот ќе биде направена групна изложба на децата од сите градови на изработените илустрации на епиграмите од овие сатирични работилници.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
