– На овој ден, Источен петок – Балаклија, се празнува обновувањето на храмот на Пресвета Богородица во Цариград, наречен Живоносен извор, поради чудотворниот извор со вода што се наоѓа во него. Си споменуваме и за многуте чуда што се случиле во тој храм на Божјата Мајка, рече владиката Иларион, Митрополит Брегалнички.
На литургијата освен многубројниот народ присутен беше и Министерот за внатрешни работи Оливер Спасовски, градоначалникот на Кочани, Николчо Илијев, членови на Советот на Општина Кочани, кои што заедно со владиката Иларион учествуваа во литијата околу храмот, а митрополитот го благослови и пресече славскиот колач.
Домаќините на манастирот се потрудија и овој пат сите подготовки околу славата да бидат завршени навреме. Направена е настрешница во кругот на манастирот со цел прибирање на поголем број верници. Веќе десеттина години наназад им се ветува на овие луѓе дека патот до манастирот ќе биде направен, но од тоа досега ништо не е направено. Ветувањето останува да биде исполнето годинава.
-Многу сум им благодарен на владиката Иларион, на министерот Спасовски и на градоначалникот на Кочани и на сите луѓе кои што дојдоа да го посетат ова свето место. Се радувам што ни ветија дека конечно оваа година ќе го напрват патот до манастирот бидејќи мова место важи за едно големо духовно светилиште, рече Стефан Смилков, домаќин на манастирот.
Со празникот посветен на Пресвета Богородица и се оддава признание на Мајката Божја, по што манастирот го носи нејзиното име. Се верува дека водата во овој манастир е лековита.
Инаку, освен на овој ден, на манастирот Добра вода кај Оризари слава има и на втор ден Божиќ кога и на тој ден се собираат голем број верници и се сукаат зелници, а еднаш во годинава се прави и годишно собрание на овој манастир кога се прават планови за понатамошните активности во манастирскиот комплекс.
Т. Велкова
{fshare}
https://www.youtube.com/watch?v=4_ayhS6fCpM
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
