Во изминатава деценија „Амфенол Технолоџи Македонија“ континуирано донира за општо добро и во позитивни цели, од кои корист имаат сите жители на регионот.
Во пресрет на 11. роденденј на компанијата, денеска дечињата во детските градинки во Чешиново – Облешево и Зрновци добија дидактички материјали кои ќе ги користат во воспитно-образовниот процес, а за установите, соодветно на потребите, се обезбедени средства за работа кои ќе го олеснат секојдневното функционирање. Радоста и изненадувањето на децата беа огромни, а вработените упатија благодарност до „Амфенол“ за поддршката и вредните донации
Покрај ова „Амфенол Технолоџи Македонија“ денеска донираше и во Доброволното противпожарно друштво – Кочани. Донацијата се состои од антени за базни станици со широк опсег, а противпожарното друштво доби и сет од мобилни антени со вклучена конекторска мрежа и кабли кои ќе бидат поставени на противпожарните возила. Со оваа донација ќе се подобрат условите за работа на ДПД и ќе се обезбеди сигурна и ефикасна комуникација помеѓу базните станици и противпожарните возила, што е особено важно во случаи на пожар.
Еден од приоритетите за „Амфенол Технолоџи Македонија“ и во иднина останува помагањето на општествените процеси, а со своите постапки досега го потврди имиџот на општествено одговорна компанија која помага на целата заедница.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
