Трето место и бронзен медал на меѓународен натпревар освои каратистот Филип Стојанов, член на карате клубот „Партизан“ од Кочани. Во категоријата кумите јуниори +76 килограми тој учествуваше на карате турнирот „Куп на шампиони 2024“ што викендов се одржа во Подгорица, Црна Гора и тоа беше последна проверка на неговата подготвеност пред настапот на Светското првенство во Венеција, Италија.
На турнирот во црногорскиот главен град, што се смета за едно од најсилните регионални натпреварувања, учествувале каратисти од 12 балкански држави кои ги претставуваа најдобрите млади каратисти во моментот.
Според информациите од тренерот Оливер Коцев, младиот Стојанов во Подгорица прикажал добри борби со што ја потврдува добрата форма и успехот од неодамнешниот изборен турнир во Кичево, каде го освои првото место и се најде меѓу најдобрите макеоднски репрезентативци кои ќе учествуваат на Светското првенство за кадети, јуниори и каратисти до 21-годишна возраст.
По учеството на првенството на најдобрите од целиот свет, нашиот каратист во декември го очекува и настап на Балканското првенство.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
