По повод три годнини од големите пожари, што во август 2021 година го зафатија Кочани, членови на Доброволното противпожарно друштво – Кочани реализираа активност за превенција и заштита од пожари.
На штанд со продажен карактер, волонтерите пред граѓаните ја презентираа опремата со која располагаат, односно со која интервенираат во случај на пожар.
-Во пресрет на празниците, Доброволното противпожарно друштво од Кочани одлучи да постави неколку штандови на кои нашите граѓани може да нè посетат, да видат со која опрема располагаме, како и да донираат средства за нашите потреби. На денешниот пункт ни се приклучија и најмалите дечиња на волонтерите, кои со своите рачни изработки решија нивните пари да ги донираат за чизми на доброволците. Пункт ќе поставиме и в недела во селото Видовиште на Иселеничката средба, истакна Александра Арсова, член на Доброволното противпожарно друштво.
Парите кои ги собираат волонтерите ќе бидат наменети за купување џип, четирицикли, мотори и дополнителна опрема со која значително ќе им се олесни и подобри ефикасноста во борбата со пожарите на тешко пристапните терени.
Жиро сметка за донација 30005000018687 – Комерцијална банка.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
