Основното музичко училиште „Ристо Јуруков“ реализираше пригодна свеченост по повод одбележувањето на патрониот празник. Во исполнетата сала на Мултикултутниот центар се претставија учениците од сите класи на инструментите што ги изучуваат.
На настанот беа прогласени најдобрите ученици во деветгодишното и шестгодишното образование.
Директорката Марија Лазарова истакна дека ова е завршница на една успешна учебна година.
-Во учебната година, согласно одлуката на наставничкиот Совет, за ученик на генерацијата во деветгодишното образование е прогласена ученичката Јана Филипова во класата на професорката Елизабета Горгиева. За ученик на генерацијата во шестгодишното образование се прогласува ученичката Александра Ѓоргиева во класата на професорката Јованка Милојевиќ. Пофалница за постигнати значајни резултати во текот на основното музичко образование се доделуваат на Миа Михаилов и Јован Божинов, истакна Лазарова.
По повод патрониот празник во понеделникот вечерта се одржа и концертот ,,Родители и деца” .
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
