Учениците во основните училишта во општина Кочани да добијат унифицирани работни униформи беше предлог-точката на дневниот ред на денешната 52. седница на Советот на Општината, што доби едногласна поддршка од приустните советници.
Образложение на предлогот даде советничката Тодорка Таковска, која нагласи дека иницијативата е на Советот на родители во ОУ „Св. Кирил и Методиј“, кој веќе доставил барање до Општината. Притоа, беше речено дека најголемиот дел од средствата за набавка на униформите треба да се обезбедат од општинскот буџет, а остатокот со донации од бизнис секторот.
Предлогот наиде на позитивни реакции во Советот, при што во дискусиите беше истакнато дека ОУ „Св. Кирил и Методиј“ и ОУ „Крсте П. Мисирков“ од Оризари веќе донеле свои кодекси, со што делумно се спроведува намерата за унифицираност во облекувањето на учениците.
– Немам сомневање дека се работи за благородна намера со ваквиот предлог, но истиот отвора многу повеќе прашања , особено што со ваква одлука ќе се репродуцира потребата истата да остане традиционална и во наредните години. Униформите се трошат и се израснуваат, децата од помалите одделенија, односно првоодделенците веќе во второ и трето одделение не можат да ги носат. Се бараат сериозни средства, околу три милиона денари, а за да креираме една таква одлука мораме да имаме и прецизни вредности со кои ќе располагаме или ќе го креираме буџетот за следната година. Нека оди како барање и како идеја, а мојот совет е да му пристапиме малку посериозно на решавањето на вакво прашање и она што ќе се донесе сега да остане и за наредните Совети и за наредните градоначалници. Значи, само да го дефинираме како заклучок со можностите во рамките на буџетот за 2025 година, истакна градоначалникот Љупчо Папазов.
По дообајснувањето од градоначалникот, советниците го поддржа предлогот, со што дополнително, при усвојувањето на буџетот за догодина ќе треба да се предвидат потребните средства за набавка на униформите за основците.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
