Фолклорниот ансамбл „Љупчо Сантов“ од Оризари по 23. пат го одржа Новогодишниот концерт.
Пред многубројната публика во салата во Оризари, членовите на ФА „Љупчо Сантов“ се претставија со разновидна програма – инструментална изведба на тапани, песни и ора. Премиерно беше изведен фрагмент од орото Малешевка, а концертот заврши со орото Комитска легенда.
ФА „Љупчо Сантов“ – Оризари работи и го негува изворниот фолклор близу 5 децении. Ансамблот има околу 200 членови организирани во групи во Оризари и во Зрновци.
Во 2024 година ФА „Љупчо Сантов“ настапи на многубројни фестивали, манифестации, работилници и на емисии во Македонија и во странство, успешно презентирајќи го изворниот фолклор од Осоговијата.
Покрај добиените благодарници, дипломи и пофалници за учество на домашните и на меѓународните фестивали во 2024 година, ФА „Љупчо Сантов“ освои и награди на фестивалите со натпреварувачки карактер.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
