Фудбалерите на „Чифлик“ се победници на 52. издание на турнирот во фудбал на Илинденските спортски игри во Чешиново. Тие во финалниот натпревар со резултат од 2:1 ја совладаа противничката екипа „Соколарци“.
Со голот на Марио Атанасовски, екипата на „Соколарци“ поведе со резултат 0:1 во 20 минута, по што со головите во 39 и 62 минута на Александар Коцев и Михаил Јакимов, екипата на „Чифлик“ направи пресврт и поведе со резултат од 2:1 со што стави крај и обезбеди победа во финалето.
Од Локалната самупрва на Чешиново-Облешево на првопласираната екипа им беше доделен паричен ваучер од 120. 000, на втортата екипа и беа доделени 50.000 денари.
За најдобар играч на натпреварот беше избран Димче Андов од екипата на „Чифлик“.
Од организацискиот одбор на Илинденските спортски игри истакнаа дека фудбалските натпревари, што се играа во текот на јули помеѓу деветте пријавени екипи, поминале во фер плеј игра.
-Јас мислам завршија во фер и коректна спортска атмосфера. Победник во секоја спортска игра има само еден, а овогодишниот е екипата на селото Чифлик. Фудбалерите беа многу спремни и затоа стигнаа до финалето. Ние и догодина ќе продолжиме со организација на Илинденските спортски игри, а можеби ќе ги и организираме и на друга начин. Во предвид е да играат професионални екипи кои играат во првта, втората или третата Македонска фудбласка лига, со цел спортот да го подигнеме на едно повисоко ноиво во општина Чешиново-Облешево, истакан Митко Бојаџиев, организатор.
Инаку, манифестација е една од најстарите во регионот и трае еден месец, а низ изминатите години на Илинденските спортски игри настапиле многу екипи од регионот и пошироко, кои покажале врвни резултати, спортска игра и дружење.
Целта на турнирот е да се чува и негува една од најстарата спортска традиција, но во истовреме се развива и спортскиот дух меѓу жителите. Сите натпревари се одиграа на фудбалското игралиште ,,Даме Груев” во Чешиново.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
