Доброволното противпожарно друштво – Кочани доби уште една меѓународна помош во вид на донација.
По иницијатива на нашиот сограѓанин, иселеник во Италија, Даниел Костадиновски, а со помош на Marco Gabusi, Daniele Cora, Raffaele Cordaro и Mirko Ciriotti, беше обезбедена и веќе испорачана опрема за интервенции при гасење пожари и поплави. Опремата се состои од заштитни шлемови, агрегат, пумпа за вода со придружни црева, униформи со опрема за лична заштита на пожарникарите, метални метли за гасење оган и друго.
Со донираната опрема дополнително се зголемува капацитетот на единицата и се подобрува заштитата на пожарникарите – волонтери при интервенции на терен.
Од ДПД – Кочани упатија јавна благодарност за несебичната поддршка и помош во развојот на Друштвото.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
