Во рамки на Неделата на детето, што се одбележува од 6 до 12 октомври, денеска Општина Кочани организираше свечен прием на првачињата во Детската организација.
Под мотото „Детето денес – иднината утре!“ на настанот свое претставување има сите основни училишта од општината, а учениците кои од оваа година го почнаа своето образование и нивните наставници ги поздрави в.д. градоначалникот Венко Крстевски.
-Сега започнувате со нови другарства и нови познанства. Сега е време кога влегувате во нов свет каде што треба да творите и созадавате, како за вашето училиште, така и за Кочани. Слушајте ги вашите наставници, почитувајте ги вашите другарчиња, творете и направете Кочани да биде подобро место за живеење. Со среќа нека ви е влезот во најголемата Детска организација, се надевам дека успешно ќе дадете заклетва и ќе ја почитувате истата, истакна Крстевски.
На приемот во Детската организација првачињата ја дадоа свечената заклетва, ветувајќи дека ќе ги почитуваат своите другарчиња и вредно ќе учат.
Во рамки на свеченоста со музичко-забавни точки настапија ученици од повисоките одделенија од основните училишта во општината.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
