Во ООУ „Никола Карев” – Кочани денеска беше промовиран проектот „Преку спорт до инклузивно и квалитетно образование“ што во наредните месеци ќе го имплементира Македонско-бугарската стопанска комора, а е финансиран од Амбасадата на Република Бугарија во Македонија.
Главна цел на проектот е обезбедување инклузивно и квалитетно спортско образование и збогатуване на училишната спортска опрема во „Никола Карев”.
-Проектот е одлична можност за да ги тргнеме децата од нивното секодневие заробени со технологизата и да j истакнеме важноста на спортот, дружбата, активностите. Спортот е повеке од потребен, посебно во периодот на раст и развој, истакна Ирена Мирчовска, координаторка на проектот.
Иако носител на проектот е ООУ „Никола Карев”,во проектните активности ќе бидат вклучени ученици и од другите основни училишта, нивните родители, како и наставници по физичко образование и спорт.
-Ова е одличен пример за тоа дека бизнис заедницата освен за остварувае на свои лични интереси, вложува и во општествени прашања, конкретно во спорт и квалитетно образование. Од име на ООУ „Никола Карев” упатуваме огромна благодарност до Амбасадата на Република Бугарија и претседателката на Македонско-бугарската стопанска комора за можноста за реализирање на вакви проекти, истакна Александар Андов, директор на ООУ „Никола Карев”.
Преку низа активности ќе се работи на промовирање на спортското образование со вклучување на деца со попреченост и деца од етнички малцински заедници од општините Кочани, Чешиново-Облешево и Зрновци. Исто така, ќе се работи на промовирање на вистински животни вредности преку спортски настани, како и јакнење на свеста за важноста на спортот кај сите деца.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
