Реализацијата на инфраструктурните зафати за подобрување на водоснабувањето во населените места, Општина Зрновци ја продолжува со градежни активности во село Мородвис. Кај Морошка Река се изведува ископ на земја и подготовка за поставување таложници и каптажа за водоводот од кој жителите се снабдуваат со вода за пиење.
Дел од реализацијата на овој проект беше завршен претходно, а во тек е изведбата на втората фаза и комплетирње на објектите.
-Во 2022 година беше завршена првата фаза, односно постојано водоснабдување на жителите во Мородвис. Со започнување на реализацијата на втората фаза ќе се постигне физичко пречистување на водата што доаѓа до домаќинствата, со изградба на планираните таложници и инсталација на потребните водоводни елементи за пречистувањето во самата каптажа, истакна Борчо Коцев, градоначалник на Зрновци.
Според поставената динамика за реализација на градежните работи, се очекува целиот проект да се комплетира во текот на наредниот месец и конечно жителите на Мородвис да добијат чиста вода за пиење.
Подобрувањето на водоснабдувањето за корисниците од сите три населени места во општина Зрновци се реалзира со сопствени буџетски средтва и ангажман на ЈКП „Водна кула“. Во тек се и градежните работи за главниот цевковод за водоводот во Видовиште , инвестиција што ќе обезбеди неколкупати поголем капацитет и континуиран дотур на вода во водозафатот.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
