По невремето што го зафати Делчево и кое направи големи материјални штети, делчевчани добија помош и од Територијалната противпожарна единица – Кочани и Доброволното противпожарно друштво од Кочани. По дојавата, професионалните пожарникари, заедно со волонтерите, се мобилизирале и два тима од 11 лица, со две едно возила и пумпи за вода интервенирале на терен.
Според информацијата од кочанските пожарникари, во Делчево била затекната тешка ситуација со поплавени објекти, домови, институции и производствени погони. Надојдената вода се вадела со часови, а штетите ќе остават долгорочни последици.
Тимот на кочанските професионални и пожарникари волонтери на терен интервенирале над осум часа. Дел од опремата што ја однеле во Делчево им ја оставиле на привремена услуга на своите колеги, додека трае кризниот период. Во санирањето на штетите помош дале и екипи од останатите градови – Македонска Каменица, Берово, Пехчево и Кавадарци.
Според информаците од Центарот за управување со кризи, невремето во четвртокот почнало околу 16 часот и 30 минути, при што биле поплавени повеќе од 60 објекти како резултат на поројните дождови. Повеќе маала во Делчево останале и без електрична енергија.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
