Поројниот дожд и електричното празнење во текот на попладнето и вечерва предизвикаа навлегување на водата во приземни и подрумски простории во објекти, поради што на неколку места интервенираат екипи на Територијалната противпожарна единица и на Доброволното противпожарно друштво од Кочани.
Удар на гром предизвикал пожар на кровна конструкција на куќа на улицата „Гоце Делчев“ во Кочани, а со брза интервенција со противпожарни апарати спречено е проширување на огнот и поголема материјална штета и други последици.
Во координирана акција припадниците на двете противпожарни единици се уште интервенираат на неколку улици во градот, а најкритично е на „Роза Петрова“ каде се поплавени гаражи, подруми на куќи и магацински простории.
Поради континуираните врнежи во изминатиот период, водостојот на реките е над просекот за овој период од годината, а покачено е и нивото на подземните води во полскиот регион на општината.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
