Иницијативниот одбор на пензионерите од Кочани попладнево одржа протестен марш. Собирно место беше Паркот на Ревулуцијата, а потоа со транспаренти се упатија кон Основниот суд во Кочани, каде го блокираа јужниот влез во градот.
Пензионерите повторно ги истакнаа своите барања за линеарно зголемување на пензиите од по 5.000 денари и определување на минимална пензија од 18.000 до 20.000 денари.
-Поради игнорантскиот однос на властите во Македонија, на 7 ноември пензионерите од Македонија ќе протестираат пред седиштето на Европската Унија, како и пред пет странски амабасади во државата, истакна Моне Георгиев, потпретседател на Иницијативниот одбор на пензионерите од Кочани.
На протестот пензионерите побараа да имаат средства за достоен живот, со цел подмирување на трошоци за прехрана и лекови. Од Иницијативниот одбор го искажаа револтот во врска со највеното покачување од 6,8% што не е исполнето, туку добија 5,3%.
Протестите ќе продолжат и во наредниот период, односно до исполнување на барањата.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
