Синоќа официјално почна 32. издание на манифестацијата „Денови на кочанскиот ориз“. Во Паркот на Револуцијата беше изведен уличени театар, крунисана жетварската убавица, а настапија и Малинов и Спешалселекшан.
За жетварска убавица за 2023 година беше избрана Моника Миткова, ученичка во СОУ „Љупчо Сантов“. Миткова ги освои гласовите на јавното гласање што годинава беше спроведено онлајн.
Од седумте девојки што учествуваа на годинашниов избор, за прва придружничка на жетварската убавица беше избрана Стефанија Соколова, а за втора Ивона Ефтимова. Трите жетварски убавици како секоја година, така и годинава ќе учествуваат на традиционалното зажнејување на ориз што ќе се одржи в недела во селото Мојанци.
Градоначалникот Љупчо Папзов истакnа дека во овие три дена дека Општина Кочано ќе биде центарот на случувањата, а воедно и да ја покажеме нашата традиција, култура и историја пред гостите од збратимените градови.
Програмата продолжува и денес, со почеток во 13 часот во Домот на културата „Бели Мугри“ ќе биде отворена архиктетонска изложба во чест на Александар Гицов,а во истиот термин на Браната Гратче ќе се промовираат природните убавини и туристичките вредности на Општина Кочани.
Во 17 часот ќе се реализира големото празнично дефиле на кое ќе се претстават јавни институции, приватни фирми, здруженија на граѓани, со дефилирање од Градскиот плоштад по улицата „Маршал Тито“ до Паркот на Револуцијата .
Во 18 часот во Градскиот парк ќе се одржи фолклорен концерт со настап на домашни и странски фолклорни групи, а со почеток во 20 часот предвидена е вечерна забава со Dj Ogipsilon
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
