Со цел значително зајакнување на капацитетите за справување со пожари и зголемување на безбедноста на граѓаните, денес во Виница официјално беше предадено ново противпожарно возило од марката „Мерцедес“.
Оваа значајна донација е плод на соработката помеѓу Ротари клубот и групацијата „Рото М“ – Виница, со што се прави голем чекор кон подобра подготвеност на локалните служби во пресрет на критичната сезона на пожари.
На свеченото примопредавање присуствуваше присуствуваа директорот на групацијата и директорот на „Рото М“, македонскиот амбасадор во Словенија, градоначалникот на Општина Виница, економското аташе, како и членови на противпожарната единица.
Од ТППЕ – Виница изразија благодарност за поддршката која директно ќе ја подобри нивната работа.
Новото возило е опремено со современа технологија која ќе им овозможи на виничките пожарникари побрзо, побезбедно и поефикасно да одговорат на предизвиците на теренот. Со оглед што пожарникарите се опишани како „вистински херои на заедницата“ кои секојдневно ги ризикуваат своите животи за да го спасат туѓиот имот, оваа опрема е од витално значење за нивната лична заштита и успешност на мисиите.
„Заедно градиме побезбедна и посилна Виница“, порачаа донаторите, истакнувајќи дека ваквите проекти се доказ за високата општествена одговорност на приватниот сектор во регионот.
Оваа донација доаѓа во клучен момент кога општината ги мобилизира сите ресурси за превенција од шумски пожари, надоврзувајќи се на неодамнешните координативни активности и еко-акции во регионот.
©2011 - 2026 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
